| kei 的个人资料珍金白銀 ~~ 一家笑哈哈照片日志列表 |  工具  帮助 |
|
|
7月2日 一份遲來的結婚禮物 機甲創世紀モスピーダ     結婚時個兄弟話唔做禮金只係送禮，當然份禮任我揀，揀我自己最想要‧   原本份禮要預先訂購，但係生產延期、斷貨再斷貨‧到了今天才到手‧   其實廿多年前已好想擁有這樣玩具，到了今日終於真正擁有了‧ 6月7日 電擊模型show 今日去了個電擊模型show  個場好細，值得睇模型得幾件‧ 另外仲有imagegirl做宣傳，但係果兩個model就好旱貸‧     兩個成日都係咬耳仔‧又著到鬼咁古怪‧    兩個model搞到鬼咁掃興，就轉戰旺角‧   反而旺角兩個imagegirl就交足貨‧  見佢咁鬼合作，就試試新技巧--拉鏡及旋轉‧   5月18日 街頭獵影 旺角 上次街影時發覺唔用閃光燈就好難影， 但用機頂燈就好"硬"‧  所以就買了個新機頂燈柔光罩，就要即刻試用‧  昨日冒生命危險，到有漒水彈街實戰‧  雖然個柔光罩只係$30(仲係一套3色)，效果幾好‧  今次MODEL幾有水準，夠高又好笑容‧  現今數碼相機要彩色就彩色，要黑白就黑白‧  但係始終做唔到菲林相機黑白菲林效果及味道‧ 5月1日 東歐4國8天HONEYMOON (十) 東歐4國8天HONEYMOON (十)  行了個多個鐘，回到廣場中心‧  廣場中心有間M記，都係年青人多.  廣場中心有檔賣栗子，仲係即抄，天寒地凍食，十分好味‧  到了準備離開時，天氣突然轉變，天陰陰開始落雪，到了歐洲終於見到落雪‧  見到一班小朋友跟老師遊玩，十分可愛‧ 4月21日 迪欣湖 天交台水警總部 天文台又話會落雨，結果係天氣晴朗---晒燶‧   個湖又真係幾大，又無咩人，真係好似進入無人之境‧   湖邊有幾個荷花池，都開始有荷花長出，即係話夏天將近‧  去完迪欣湖，就再去尖沙咀天文台水警總部‧     在KLN市區中布難找到有古典建築物，影相真係幾靚，但還在整修中,有好多還未開放‧ 4月10日 東歐4國8天HONEYMOON (九) 斯洛伐克 SLOVAKIA 踏入東歐第二個國家--斯洛伐克 SLOVAKIA  早上天氣十分好，雖然得幾度氣溫，但有個太陽晒住溫暖好多‧  在1993年前係捷克其中一部份，1993年1月1開始成獨立國家，我都係第一次進入一個歷史咁新國家‧  一個新國家，城市感覺與匈牙利比好不同，所有建築物唔係話新起，但又好整齊及整潔‧  有好多特別銅像‧  城中有個好特別地標，刻有世界各大城市距離，HONG KONG就有8696km‧ 3月17日 appleseed(photoshop)以下幾張相都係未買D90前影及加特效‧ 原相 1.  原相 2.  合成  其實自己用PHOTOSHOP已用了好多年(由3.0開始)，對於一般修改相片技巧，當然唔成問題‧ 但自從擁有第一部單鏡機後，就開始多了個疑問？ 原相  加特效  原相  合成  相片要用PHOTOSHOP修改，咁即係唔係影相技術不足， 如果影到一張好相片，咁又可須電腦修改？ 原相  加特效  合成  其實PHOTOSHOP最初發展時原意係為電影加工特殊效果， 但係軟件功能強大，對一般人難以入手，所以Adobe都有出photoshop簡易版‧ 叫得簡易版，當然就真係得基本修改相片，想張張相大改特改，真係想都唔好想‧ 3月4日 東歐4國8天HONEYMOON (八) 歐洲第二日，匈牙利 --- 斯洛伐克 匈牙利住第一晚酒店 -- Holiday Inn'  話晒都係Holiday Inn'，以匈牙利來講，係一間唔錯酒店‧  食完早餐，就要起程3個小時車到 -- 斯洛伐克，但未到斯洛伐克前遇到臨檢，每架車 都要，個導遊講自歐盟通關後，佢都係第一次遇到，仲有人上車檢查passport， 只係睇一睇，無咩特別，所以有些失望‧  坐歐洲長途巴就係要個多兩個鐘，司機就要停一停休息(工會規定)‧ 所以有好多這些休憩站，食野、入油及最重係 -- 唔駛俾錢就可以享用個廁所‧  仲有好多風力發電風車，全車路都不停見到‧  終於到了匈牙利邊境，匈牙利 再見啦！  離開匈牙利，當然就即刻進入 -- 斯洛伐克‧ 2月23日 新香園--堅記 今日去深水步買防潮珠及相機配件‧ 行完就去新香園--堅記食午餐‧  一碗雲吞麵、蛋牛治、紅豆冰‧ 都係37元，差d食唔完‧ 其實新香園最出名係豬手麵及蛋牛治， 因為我最近已食了好多豬手，所以就食雲吞麵‧ 雲吞麵都好好食，麵好彈牙‧ 紅豆冰超多紅豆，紅豆仲係起沙果種口感，正！ 蛋牛治即叫即做，熱辣辣，超厚份量‧ 一個人食晒，超飽‧ 2月10日 柔王丸&櫻姬 柔王丸&櫻姬  小5、6年級時，就好喜歡睇這套漫畫‧  隨後仲有動畫版，但柔王丸個設定就大大改變‧  不過我都係喜歡漫畫版這個造型，比較人性及生動‧  今次figma係列最新進出，參照漫畫版造型，亦係可動性最強，因為這兩個其實係figma係列原型body‧ |
|
|
