| kei 的个人资料珍金白銀 ~~ 一家笑哈哈照片日志列表 |  工具  帮助 |
|
|
5月1日 東歐4國8天HONEYMOON (十) 東歐4國8天HONEYMOON (十)  行了個多個鐘，回到廣場中心‧  廣場中心有間M記，都係年青人多.  廣場中心有檔賣栗子，仲係即抄，天寒地凍食，十分好味‧  到了準備離開時，天氣突然轉變，天陰陰開始落雪，到了歐洲終於見到落雪‧  見到一班小朋友跟老師遊玩，十分可愛‧ 4月10日 東歐4國8天HONEYMOON (九) 斯洛伐克 SLOVAKIA 踏入東歐第二個國家--斯洛伐克 SLOVAKIA  早上天氣十分好，雖然得幾度氣溫，但有個太陽晒住溫暖好多‧  在1993年前係捷克其中一部份，1993年1月1開始成獨立國家，我都係第一次進入一個歷史咁新國家‧  一個新國家，城市感覺與匈牙利比好不同，所有建築物唔係話新起，但又好整齊及整潔‧  有好多特別銅像‧  城中有個好特別地標，刻有世界各大城市距離，HONG KONG就有8696km‧ 3月4日 東歐4國8天HONEYMOON (八) 歐洲第二日，匈牙利 --- 斯洛伐克 匈牙利住第一晚酒店 -- Holiday Inn'  話晒都係Holiday Inn'，以匈牙利來講，係一間唔錯酒店‧  食完早餐，就要起程3個小時車到 -- 斯洛伐克，但未到斯洛伐克前遇到臨檢，每架車 都要，個導遊講自歐盟通關後，佢都係第一次遇到，仲有人上車檢查passport， 只係睇一睇，無咩特別，所以有些失望‧  坐歐洲長途巴就係要個多兩個鐘，司機就要停一停休息(工會規定)‧ 所以有好多這些休憩站，食野、入油及最重係 -- 唔駛俾錢就可以享用個廁所‧  仲有好多風力發電風車，全車路都不停見到‧  終於到了匈牙利邊境，匈牙利 再見啦！  離開匈牙利，當然就即刻進入 -- 斯洛伐克‧ 12月29日 東歐4國8天HONEYMOON (五) 魚人堡(CASTLE DISTRICT) 離開多瑙河，一上岸就係-魚人堡(CASTLE DISTRICT)‧  魚人堡匈牙利最有名一座皇宮‧    魚人堡坐落小山崗，盡包攬多瑙河及BUDAPEST市中心‧    魚人堡內已變平民區及市集，見到咁多紅椒唔好以為係街市， 其實係當地人掛門口裝飾，亦係遊客紀念品手信‧    魚人堡以前係皇宮，現在就係博物館、圖書館‧  晚上魚人堡特別靚(其實係我部新機D90功勞)‧ 12月25日 東歐4國8天HONEYMOON "外篇"--Merry Christmas 見今日聖誕節，所以就幾張東歐有聖誕特色相應節‧  古姆洛夫KRUMLOV市集--聖誕麵包   莫札特廣埸  Salzburg 聖誕節係外國人大節，早一個前已好有聖誕節氣氛， 所以我早一個月前已過了一個有落雪白色聖誕‧ 12月20日 東歐4國8天HONEYMOON (四)12月15日 東歐4國8天HONEYMOON "外篇"(一)出發前有個茶會，因為我唔係HK,所以無去到‧
我老婆一個去，都係得果6個人‧
個領隊好著重要帶多幾張記憶卡，即係帶多幾G去咁話‧
去到咁遠地方，唔影多幾張相，真係對唔住自己‧
去到行程最後一日早上，個領隊問大家影了幾多張相，
坐前面一個就答4千張咁上下，個領隊好驚訝咁！
咁即係每日影800張相！？
個領隊跟住又問我影了幾多張相？
其實當時我又真係無計過影了幾多張相，
只知每日影了大約3G咁上下，
個領隊又好驚訝！
3G！？
個領隊一向心目中每個人大約都係帶4G咁上下‧
一聽到話一日就已經3G，感覺好跨‧
我部新相機影一張相要5M，其實一日要影3G又真係唔係咁難‧
只係個領隊外遊時間多，OUT左咁解‧
而我又帶了幾多記憶卡？
話多唔多，話小唔小‧
分別有 - 1G x1、2G x1、4G x2 + 一部手提外置20G讀卡機，即係有31G memory 在手‧
最終我都係影了14.5G，即係幾多張相？我仲未有時間去計！ 12月11日 東歐4國8天HONEYMOON (三) 終於到達匈牙利- BUDAPEST機場‧   個機場大堂就係張相眼見咁大，我第一次0係咁細機場出閘， 其實都係好事，唔駛行餐死才可以攞行李及出閘‧  這架旅遊巴，就係今次全程由匈牙利-斯落伐克-維也納-布拉格所坐巴士， 全團都係16人，真係想點坐就點坐‧  唔好以為我今晚要往這間"新世紀大酒店"，其實只係一間中餐館， 旅行團全程所包餐，除了一餐咸豬手，全都係中餐‧ 12月7日 東歐4國8天HONEYMOON (二) 仍然都係希斯路機場，ZONE5係今年3月才落成， 現在HK至倫敦都係ZONE5區起落‧   我咁大個仔第一次衝出亞洲， 雖然係轉機站，歐洲落腳地 - 英國‧  坐了12個鈕小時機，落機時已係當地時間凌晨4點幾‧ 而轉機去BUDAPEST(匈牙利)要等到8點幾才上幾‧ 幾個鍾頭有咩做！就係週圍行‧  原來倫敦都都有咁好天氣，清晨時分，個機場真係好靚‧   終於可以上機，因為機場大，客機細，所以要駁BUS上機‧ 12月4日 東歐4國8天HONEYMOON (一) 其實原本個HONEYMOON係北海道+東京，因為唔成團， 去唔成日本，但係唔成團我又好鬼開心，因為日圓勁昇，去得成我仲慘‧ 所以即刻轉團去東歐‧  由報名到起行都唔夠十日，選擇東歐團都係因為團費減價及歐元大跌‧  笫一日就係坐23:25夜機，要飛12個小時才到倫敦再轉機去匈牙利‧ 其實咁樣就係第一日行程‧  到達希斯路，就要轉這種無人駕駛列車‧ 12月2日 地獄回歸 東歐8日之旅已經完成， 一回到HK就真係有回到地獄感覺， 泰國政變、海嘯後大公司裁員..............等！ 明日就要返工，點解美好時光係咁短暫？ (我現在個心仲好似仲o係佈拉格，因為時差仲未調節好‧) 8月6日 澳門一日遊(下)食完個午餐，轉戰"新葡京"‧ 雖然新葡京外觀好有派頭‧ 入面裝飾好似好豪華，但總覺估怪‧ 職員態度又差‧所以只係打了幾隻老虎後就離場‧  原本打算夜晚0係"永利"食自助餐， 但去到永利間餐廳時見到又貴又唔多野食，仲話要爆棚滿座‧ 永利個場比較細，所以連老虎都無打就離開，再去金沙大戰一場‧  到了晚餐時間，就0係金沙食自助餐，價錢唔算貴$185，又多野食‧ 俾張頭一轉相睇就知有幾多野食‧  7月16日 澳門一天遊(上)我已有前後十年未有去過大海‧ 澳門近年急速發展，有好多景物都不 斷改變‧ 不過有太多人工化景物，我覺得好古怪‧  一早9:00已到達"金沙"(賭場)，當然食個早餐先， 咁早！金沙只得一間唔中唔西餐廳用膳‧ 只叫9碟點心，都要$230，都幾貴，最奇怪係要先收錢才有得食‧ 到中午，金沙內有個美食廣場，有中、西、日美食‧ 不過收錢方式有些特別，入場每人派一張大膠板(有磁帶)， 用一張大膠板到每個檔口點食物，食玩走人才計錢‧ 唔駛HK咁要行來行去俾錢才可以有得食‧ 仲有樣好得意係，叫玩野食會有個好似"曱由"屋咁物體‧ 當有食物可以拿取，個"曱由"屋就會亮燈及震，好得意！  7月11日 台灣之旅--第三日台灣之旅--第三日
因為第二日太辛苦又夜歸，決定訓耐D才出發‧
其實這日原本安排去陽明山，
但第二日影相時都巳經去過陽明山(隔離個樹林)，
所以就改行程，早上先去"台灣國立故宮博物院"‧
 其實博物館內絕大部分物件我都係唔識欣賞，
不過人一世物一世，好多珍品在電視就見得多，自己親眼見一見都係值得‧
睇完博物館就轉搭捷運去淡水，先行老街，飲飲食食當然有，
比得兔專門店更係要入去走一轉啦！
發現有好多特價貨品，用了大約4百幾HKD咁上下‧
買完手信後就搭車去魚人碼頭，其實個碼頭都唔係好大，
HK是但一個避風溏都大過魚人碼頭‧
講風景又唔係話十分靚，D導遊書又係誤導讀者‧只係去得淡水，
送便去走一走，我估絕無第二次再去‧
晚上就去光華商場，現在光華商場只係臨時，因為原本果個幾年前巳拆了‧光華商場就好似日本秋葉原，我當然唔係找電腦零件，而係找漫畫書‧因為臨時商場實在太細，好少店舖，所以只係行了一陣就走‧
晚飯就係去亨記食自助火鍋，食物無咩特別，就好似HK韓式自助火鍋，主要低食，每位NT299(9:30後)‧ |
|
|
