| kei 的个人资料珍金白銀 ~~ 一家笑哈哈照片日志列表 |  工具  帮助 |
|
|
6月7日 電擊模型show 今日去了個電擊模型show  個場好細，值得睇模型得幾件‧ 另外仲有imagegirl做宣傳，但係果兩個model就好旱貸‧     兩個成日都係咬耳仔‧又著到鬼咁古怪‧    兩個model搞到鬼咁掃興，就轉戰旺角‧   反而旺角兩個imagegirl就交足貨‧  見佢咁鬼合作，就試試新技巧--拉鏡及旋轉‧   5月18日 街頭獵影 旺角 上次街影時發覺唔用閃光燈就好難影， 但用機頂燈就好"硬"‧  所以就買了個新機頂燈柔光罩，就要即刻試用‧  昨日冒生命危險，到有漒水彈街實戰‧  雖然個柔光罩只係$30(仲係一套3色)，效果幾好‧  今次MODEL幾有水準，夠高又好笑容‧  現今數碼相機要彩色就彩色，要黑白就黑白‧  但係始終做唔到菲林相機黑白菲林效果及味道‧ 4月21日 迪欣湖 天交台水警總部 天文台又話會落雨，結果係天氣晴朗---晒燶‧   個湖又真係幾大，又無咩人，真係好似進入無人之境‧   湖邊有幾個荷花池，都開始有荷花長出，即係話夏天將近‧  去完迪欣湖，就再去尖沙咀天文台水警總部‧     在KLN市區中布難找到有古典建築物，影相真係幾靚，但還在整修中,有好多還未開放‧ 1月17日 私火野 前日公司還神，有大老細到場‧ 所以就要我出動私火野-D90出場‧  今次除了出動D90外，仲第一次再加多支閃燈，即係雙燈(即飛燈)‧ 有多支補光，的確係好D，但好易爆光，光圈要控制得好，及好鬼重手‧   1月1日 The 6th China (Guangzhou)International Automobile Exibition 第6届中國(廣州)國際汽車展覽會 在上年11月19日-25日擧行‧  今次揀19同20日，會無仲多人，方便影相‧  今次亦係為了部新相機D-90遠征攝影做個honeymoon前測試‧  今年埸館面積同上年差不多，但係零件部縮小，汽車部增加‧  MODEL質素就今年差了小小‧  Nikon D90 + 18-200MM鏡頭，的確係我這個影相初哥一個好配合‧  18-200MM又稱天涯鏡，在這種展覽場地都好合用‧  要影全身就有全身相，要影大頭就有大頭相‧  影相時要換鏡頭，的確係一個好麻煩動作‧  人多地方，就好難換鏡‧換到鏡又好易走失影靚相機會‧  不過刀無兩頭利，天涯鏡都好有缺點‧  光圈最大得3.5，如去到ZOOM200mm光圈就更細，以及有些少變形‧  而且支鏡好重手，握得耐手都會痛，由其係影直倒人像相就更加手軟‧    我相信這個MODEL係今年全場最靚，人過6尺，又有明星相(好似劉亦菲)‧  今年其他MODEL就晚裝及便裝多，就唔似日本要全套制服出場‧  不過如果MODEL正，著咩都係靚，影都影得開心及落力‧ 12月10日 聖誕燈飾 昨晚約了朋友去太子酒店食消夜自助餐‧ 所以預早時間到TST影燈飾，主要都係試新相機‧ 不過最失望今年真係無咩靚燈飾睇， 經濟差就係主因‧ 最睇得吓就係海港城大門， 設計創意幾好，包含聖誕及商場消費意念‧  昨晚個自助餐又幾低食，每人都係$15X，有生蠔及一般主要自助餐食物都有‧ 11月14日 我的新玩具 -- D90 今年除了完成人生第一心願---娶了個好老婆‧ 我第二個心願就係擁有一部DSLR‧  BODY - Nikon D90 LENS - Nikon AF-S DX 18-200mm f/3.5-5.6 VR  因為KIT SET果支LENS得18-105mm 所以就分開買 LENS‧ 而且一支18-200mm在手，就可以一鏡走天涯‧去旅行都方便d‧  18mm  200mm 同一位置影相，這兩張相就可以顯示200mm威力‧ 11月29日 第5屆廣州汽車展上個星期二、三(20，21號)，與朋友北上廣州睇"第5屆廣州汽車展"‧  其實汽車就無咩興趣去睇！最主要目的就係影"汽車MODEL"‧北上前已問同事借了陪Nikon D50機用， 因為陪機係基本入門機，以及鏡頭及閃燈都唔係原裝，第一日唔熟用陪機及要扮老手(全手動)，所以第一日所影o既相，有95%係失敗！  到第二日再接再勵去影，都係全用手動設定，但只有5%係失敗，已有好大進步‧  平時想找個女model影相都唔平，由$500-$1000不等‧去到車展就唔同，只要入場費60人民幣，就可以有過百個女model任你影，個個企定定任你影‧所以有好多影友都會全副裝備去作戰‧HK就好難有咁大場面o既機會‧  其實我一向都有打算買一陪單鏡數碼機，但係就越出越多新機‧入門機種雖然平，但又怕性能唔夠自己用‧ 中級機當然夠用，但係就真係好貴‧  所以今次影車展，係作為自己一個測試參考，要用咩機較適合自己？  暫時都係以Nikon D300 作為目標($14800)，好似好大想頭‧根據影友所遘，D300 第一批貨訂單已滿，下一批要到出年3月‧ 但我只怕出到D400、 D500.......我都係無能力無到陪機！         11月17日 結婚啦！不過唔係我，今次係我個姨生女要出年一月結婚‧
係我阿媽第一個孫要結婚，我家已有好多年沒有搞過咁大喜慶事‧
咁到出年新年，我可唔可以豆我個姨生女"利是"？
 今次係姨生女結婚，做舅父更係要幫幫手，
又係要做結婚相DVD‧今年已係第三單ORDER‧
不過今次就有些唔同，因為D結婚相係0係香港影(淺水灣酒店)‧
只得菲林底片，唔似得台灣咁，有數碼CD-ROM，放入電腦就可以即做‧
今次先要張一格格菲林放入SCANNER，最慘係原格菲林係無修改‧
即係要我用PHOTOSHOP再一次修改相片‧
點解香港影婚紗相咁落後？仲係用菲林機？
台灣及中國大陸都係用數碼相機‧
當然要一部可以做生意0既數碼相機真係唔平，
無幾萬蚊就真係唔好拿出來見人‧
我估這個唔係主要原因，如果改用數碼相，可能會改變相片收錢方法‧
因為香港婚紗相每一樣工序都要計錢，樣樣都係老"屈"‧
的確香港影婚紗相係貴過台灣‧
所以香港影婚紗店就越來越少，而台灣婚紗相生意一年比一年多‧ 9月29日 行李箱 你地唔好以為我又執行李去旅行！
其實這個行李箱內只放了一本相簿，
就係幾個月前去台灣影0既婚紗相‧
前日從台灣由速遞送到(連大相30吋)‧
只係一本相簿及個行李箱已有20磅重‧
不過張大相有些問題出現，
現在與台灣方面聯絡解決中‧ 1月18日 RE-MENT 攝影比賽昨日去SOGO玩具部，見到有RE-MENT專櫃DISPLAY‧
又見到傳單:
(圖片於23:30再修改)
因為無SCANER所以只用DC影張傳單，
我估這個攝影比賽就最合飯桶媽去玩，
如果有人想知詳情，可以打去問問‧
TEL:21569933
如果你去SOGO買就可以有個咁0既Q版紙袋送‧
12月8日 聖誕燈飾昨晚到尖東睇燈飾，總覺得無以前咁靚‧
但都好過近幾年‧
昨晚只有一部ＳＯＭＹ T1 超級傻瓜機，腳架又無，
這部機一向被人批評夜晚就影唔到相(因為光圈細閃光燈弱)，
其實可唔可以影到靚相，好睇你個人能唔能夠發輝到相機本身性能，
即所謂係人用機，而唔係機用人‧
張相雖然唔係好靚，但以T-1可以影到咁，都係唔錯‧
12月7日 舊日的回憶我已好多年都無拿起相機，去影靚相，
以前影相好多時都係估估吓，要到晒相後才知結果‧
現今數碼相機即影就即時有得睇，感覺係兩回事，
各有各好，以前影一筒菲林，好可能只得一兩張滿意‧
##################################################
   這三張相都係91年影，當時坐船入大輿山，剛好黃昏‧
###################################################
   這三張並沒有用電腦處理黑白，當時(92年)的確係用黑白菲林影，
其實我都幾喜歡用黑白菲林影相，真正黑白相係有另一特別味道‧
(彩色相再用電腦處理黑白，都係差些少‧)
####################################################
    這幾張在94年影‧
唔好以為張相退了彩色變成咁，
其實都係黑白菲林影，用彩色相紙沖晒‧
絕無用電腦加工處理‧
影人像，我較喜歡用出其不意手法去影(即係偷影)，
但要自自然然地偷影到好效果，都係有些難度‧
唔駛估，上面無個係兔爸同兔媽，
兔爸真人係更高大威孟，兔媽就更可愛，而且無咁肥（遲D就好難講)‧
###############################################
因為飯太話我成日都批評佢D沙龍，我又只得陳年舊作‧
等我實現到買新機願望，再影多幾張相俾飯太批評吓‧
|
|
|
